"Beynəlxalq yer kürəsi günü"
Aprelin 22-də “Beynəlxalq yer kürəsi günü” biologiya fənn müəllimi Z.Hüseynovanın təşkilarçılığı ilə VIII b sinfində qeyd olundu.
Şagirdlər “ Ümumdünya Yer Kürəsi Günü və ya Ağac Günü”nün tarixinin XIX əsrə təsadüf etdiyini söylədilər. Bu bayramın keçirilməsində məqsəd insanların diqqətini ətraf mühitin çirkləndirilməsinə və canlı aləmin qorunub saxlanması problemlərinə cəlb etmək olduğunu dedilər.
Şagirdlər hazırladıqları təqdimatlarda ekoloji problemləri önə cəkdilər, təbii ehtiyatların qorunmasından və sənaye istehsalı üzərində ekoloji nəzarətə istiqamətlərdən danışdılar, cəkdikləri rəsmlərdə də ətraf aləmin mühafizəsini diqqətə çatdırdılar.
Tədbirdə iştirak edən məktəb liseyin direktoru N.Mahmudov şagirdləri ətraf mühitin mühafizəsində daha fəal olmağa çağırdı.
Söylədi ki,ölkəmizdə bu istiqamətdə müxtəlif layihələr və tədbirlər həyata keçirilır. İnsanlar mütəmadi olaraq ekoloji tədbirlərdə iştirak etməklə ağaclar əkir, yaşıllıqlara qulluq edir, yaşadıqları əraziləri müxtəlif tullantılardan təmizləyirlər. Həmçinin ekoloji tarazlığı sabit saxlamaq məqsədi ilə Azərbaycan Prezidentinin sərəncamı ilə Bakı şəhərinin Qaradağ rayonu, Salyan və Neftçala rayonlarını əhatə edən Şirvan Milli Parkı, Ağcabədi və Beyləqan rayonlarını əhatə edən Ağ göl Milli Parkı yaradılıb.