Xocalısız 28 il
Azərbaycan xalqına qarşı ağlasığmaz qəddarlıq və qeyri-insani cəza üsulları ilə bəşər tarixində bir vəhşilik aktı olan Xocalı facıəsini unutmamaq , şagirdlərdə düşmənə qarşı barışmazlıq hissi, Vətənə, doğma torpağa sədaqət və məhəbbət duyğularını gücləndirmək məqsədi ilə məktəb liseydə anım tədbiri keçirildi . Xocalı qurbanlarının əziz xatirəsinə həsr olunan "Xocalısız 28 il!" sərgisinin önünə tər qərəfillər düzüldü.
Sonra kitabxanaçıların təşkilatçılığı ilə “dəyirmi masa” keçirildi. Azərbaycanın müstəqilliyi uğrunda canlarını qurban vermiş şəhidlərin və Xocalı qurbanlarının əziz xatirəsi bir dəqiqəlik sükutla yad edildi .Tarix müəllimi C.Hüseynova Xocalının tarixi, coğrafi mövqeyi, faciədən əvvəl əhalinin sayı və tərkibi, iqtisadi göstəriciləri, təhsil, səhiyyə mədəniyyət ocaqları, tarixi-mədəni abidələri, görkəmli şəxsiyyətləri haqqında məlumat verdi. Eyni zamanda, faciə nəticəsində öldürülən, ağır yaralanan, itkin düşən, girov götürülən sakinlərin statistikasını söylədi və faciəyə dünya ictimayətinin hüquqi qiymət verməsinə çağırış etdi.
“Dəyirmi masa”da şagirdlər faciə ilə bağlı hazırladıqları təqdimatları nümayiş etdirdilər, facıədə erkən dünyasını dəyişmiş uşaqların dilindən yarımçıq qalmış arzularını səsləndirdilər.
