Əsrlərdən aşıb gələn əmanətlər
21.02.2020-ci il tarixdə məktəb-liseydə "Beynəlxalq Ana dili Günü" münasibəti ilə “Əsrlərdən aşıb gələn əmanətlər” mövzusunda 3-cü sinif şagirdlərinin iştirakı ilə ədəbi-bədii kompozisiya keçirildi. Ədəbi-bədii kompozisiyada şagirdlər ulu babalarımızdan miras qalan ən qiymətli milli sərvətimiz olan ana dilimizin gözəlliyi, incəliyi haqqında məlumatlar verdilər, keçdiyi inkişaf yoluna nəzər saldılar. Şagirdlərin ifasında dilimizin gözəlliklərindən bəhs edən bədii qiraət nümunələri,bayatılar, laylalar, dahilərin dilimiz haqqında söylədikləri müdrik kəlamlar alqışlarla qarşılandı.Tədbirdə xüsusi istedadı ilə fərqlənən balacalarımız bədii əsərlərdən nümunələri, rəqs nömrələrinini xüsusi məharətlə təqdim etdilər.
Sonda məktəb liseyin direktoru Nəbi Mahmudov söylədi ki, Ana dilimizin saflığını qorumaq, inkişaf etdirmək və onu dərindən öyrənmək hər bir azərbaycanlının vətəndaşlıq borcudur. Bildirdi ki, ölkəmizdə Ana dilimizin hərtərəfli inkişafı, işlək dilə çevrilməsi, beynəlxalq münasibətlər sisteminə yol tapması ulu öndər Heydər Əliyevin dilimizin qorunmasına yönələn düşünülmüş siyasətinin nəticəsidir və bu istiqamətdə fəaliyyətlər cənab İlham Əliyev tərəfində uğurla davam etdirilir.
