“Məktəbli bostanı”na qulluq edilib
May ayının 22-də Yaşıl layihə: “Təbiəti qoruyanlar” layihəsi və “Yaşıl dünya naminə həmrəylik ili” çərçivəsində məktəbin təşkilatçısı Bahar Əkbərovanın rəhbərliyi altında VII “B” sinif şagirdləri məktəbin həyətyanı sahəsində yaratdıqları “Məktəbli bostanı”na qulluq ediblər. Şagirdlər çox böyük həvəslə ləkləri alaq otlardan təmizləyib, tərəvəz ştillərini sulayıblar.
Qeyd edək ki, bostanın salınmasının əsas məqsədi şagirdlərin ekoloji maarifləndirilməsi, onların ekoloji biliklərinin və tədqiqatçılıq bacarıqlarının artırılması, müəllim-şagird, şagird-şagird əməkdaşlığının inkişafından ibarət olub.
