“The English Day” adlı tədbir keçirilib
Aprel ayının 23-də “İngilis dili aylığı” çərçivəsində və 23 Aprel - Ümumdünya İngilis Dili Günü ilə əlaqədar məktəbin ingilis dili müəllimləri- İ.Vəfa, H.Natəvan, Ə.Bahar, M.Fidan və Q.Leyla tərəfindən II-IX sinif şagirdlərinin iştirakı ilə “The English Day” adlı tədbir keçirilib. Tədbirin keçirilməsinin əsas məqsədi çoxdillilik ənənələrini möhkəmləndirmək, böyük ingilis şairi, yazıçısı və dramaturqu Vilyam Şekspirin irsini öyrənməkdən ibarət olub.
Tədbirdə şagirdlər 23 Aprel - Ümumdünya İngilis Dili Gününün təsis edilməsi, mahiyyəti haqqında məlumat veriblər. II və VII sinif şagirdlərinin ifasında “The English Day” və “Strong” mahnıları səsləndirilib. IX sinif şagirdləri böyük ingilis şairi, yazıçısı, dramaturqu və aktyoru Vilyam Şekspirin həyat və yaradıcılığı haqqında məlumat verib, şeirlərini, kəlamlarını səsləndiriblər.
Tədbirin sonunda şagirdlər hazırladıqları divar qəzetlərini nümayiş etdiriblər.
