23 Aprel - Ümumdünya İngilis Dili Günüdür
Aprel ayının 23-də “İngilis dili aylığı” çərçivəsində və 23 Aprel - Ümumdünya İngilis Dili Günü ilə əlaqədar məktəbin ingilis dili müəllimi Əliyeva Kəmalə tərəfindən IX “A” və X “A” sinif şagirlərinin iştirakı ilə “Shakespeare׳s life and heritage” adlı tədbir keçirilib. Tədbirin keçirilməsinin əsas məqsədi çoxdillilik ənənələrini möhkəmləndirmək, böyük ingilis şairi, yazıçısı və dramaturqu Vilyam Şekspirin irsini öyrənməkdən ibarət olub.
Tədbiri giriş sözü ilə açan Kəmalə müəllim söyləyib ki, 23 Aprel - Ümumdünya İngilis Dili Gününün qeyd edilməsi böyük ingilis şairi, yazıçısı, dünyanın ən məşhur dramaturqu Vilyam Şekspirin anadan olduğu günlə bağlıdır.
Sonra şagirdlər şairin yaradıcılığından danışıb, sonetlərindən parçalar söyləyiblər. Sonda məktəblilər “Romeo və Cülyetta” pyesini pantomima janrında səhnələşdiriblər.
Tədbirdə işitrak edən uşaqlarla məktəbdənkənar və sinifdənxaric tərbiyə işi üzrə təşkilatçı Əkbərova Bahar çıxış edərək, şagirdlərə gözəl çıxışlarına görə öz təşəkkürünü bildirib.
