Müəllimlər Günü qeyd olunub
5 Oktyabr - Müəllimlər Günü bu il fərqli qeyd olunub. Hər il şagirdlərimiz müəllimləri şeir, musiqi töhfələri ilə təbrik edirdilər. Bu il isə hər müəllimin məhz öz yetirməsi olan yuxarı sinif şagirdləri məktəbin bir günlük “direktoru”u Nəcəf Nəcəfovun təqdimatı ilə sinif otağına daxil olaraq həmin müəllimin əvəzinə dərs keçiblər. Məktəb müəllimləri rəhbərliyin bu xoş sürprizindən çox məmnun qalıblar. Bəzi müəllimlər öz yetirmələrini müvəqqəti də olsa, müəllim kimi görməkdən qürur duyaraq kövrəliblər.
Sonda məktəbin direktoru Könül Məmmədli layihədə iştirak edən şagirdlərə təşəkkür edərək onları alqışlayıb. Onlara gələcəkdə nə vəzifədə olurlarsa olsunlar, şərəfli ömür sürməyi arzu edib.
