Bilik günü
Respublikanın bütün ümumi təhsil məktəblərində olduğu kimi bizim məktəbimizdə də “Bilik Günü” təntənəli şəkildə qeyd olunub. Tədbirdə məktəbin şagird və müəllim kollektivi ilə yanaşı, valideynlər, ötən ilin məzunları, Xəzər rayon İcra Hakimiyyətindən nümayəndələr də iştirak edib.
Məktəbin direktoru Könül Məmmədli hər kəsi salamlayaraq məktəbin ötən tədris ilindəki uğurlarından danışıb, yeni tədris ilində hər kəsə uğurlar arzulayıb.
Tədbir məktəb şagirdlərinin rəngarəng ifaları ilə davam edib. Məktəbə ilk dəfə qədəm qoyan birincilər hər kəsi sülhə, mübarizliyə, dünyanı qorumağa dəvət edb.
