8 Mart Beynəlxalq Qadınlar Günü
07.03.2016-cı il tarixində məktəbimizin akt zalında rus bölməsinin müəllimi Rəna Əzizovanın rəhbəri olduğu V sinif şagirdlərinin iştirakı ilə Beynəlxalq Qadınlar Gününə həsr olunmuş tədbir keçirdi. Bədii hissə ilə davam edən bayram tədbirində nümayiş olunan musiqili kompozisiyalar, səhnəciklər, rus, ingilis, alman dilində səslənən şeirlər tədbirdə iştirak edən müəllim kollektivinə xoş təsir bağışladı.Müəllimlərdən Abbas Mövsümov, Vəli Vəliyev tədbir haqqında xoş sözlər söylədilər. Həmçinin zəhmətini çəkdiyi ibtidai sinif müəllimi Elnarə Şiriyeva da yetirmələrinə xoş arzularını bildirdi, bu uğurlara görə sinif rəhbərinə təşəkkür etdi. Daha sonra məktəbimizin direktoru Ülvi Məmmədov bayram tədbiri haqqında təəssüratlarını bölüşdü, məktəbin qadın kollektivini təbrik etdi, müəllim peşəsini həmişə uca tutmağı arzuladı.
