“Heydər Əliyev və Azərbaycan tarixi” mövzusunda yazılmış referat müsabiqəsinin rayon mərhələsi keçirilib
Aprelin 5-də Bakı Şəhər İcra Hakimiyyətinin tapşırığı ilə “Heydər Əliyev və Azərbaycan tarixi” mövzusunda yazılmış referat müsabiqəsinin rayon mərhələsi keçirilib. Tədbirdə Bakı Şəhər İcra Hakimiyyəti Aparatının İctimai-siyasi, Humanitar məsələlər və Dini qurumlarla iş şöbəsinin müdiri Elmin İmanov, şöbənin baş məsləhətçisi Fərhad Ələsgərov, Xəzər RİH-nin İctimai-siyasi, Humanitar məsələlər və Dini qurumlarla iş şöbəsinin müdiri Gülbala Qurbanov, qalib məktəblilərin tarix müəllimləri və məktəb direktorları iştirak edib.
Məktəbimizin 8a sinif şagirdi Atakişizadə Gülnar da bu müsabiqədə iştirak edib. Qeyd edək ki, rayon mərhələsində təqdim edilən 58 referat işi arasında seçilmiş 8 referat işi dinlənilmiş, onlardan 5-i növbəti tur üçün seçilmişdir. Şagirdimiz Atakişizadə Gülnar da növbəti mərhələyə vəsiqə qazanmışdır. Gülnarı və elmi rəhbəri Firəngiz Xəlilovanı təbrik edir, final mərhələsində uğurlar arzulayırıq.
