“Xoş gəlmisən, Novruzum” adlı tədbir
Martın 18-də məktəbin ibtidai sinif müəllimi Tənzilə Tağıyeva 4a sinfi ilə “Xoş gəlmisən, Novruzum” adlı tədbir keçirdi. Tədbirdə xalqımızın qədim adət-ənənələri öz əksini tapırdı. Səhnə tərtibatında, söylənilən bayatılarda, oxunan aşıq musiqisində millilik damla-damla ruhumuza hopurdu. Novruzun atributları olan Bahar qızı, Kosa və Keçəlin iştirakçılarla yumurta döyüşdürməsi, şən zarafatları tədbiri daha da maraqlı etdi. Sonda bayram xonçalarındakı şirniyyatlar tədbir iştirakçılarına paylandı. Tədbirin sonunda məktəbin direktoru Könül Məmmədli, şairə Gülarə Munis öz xoş sözlərini söylədilər və tədbirin təşkilində əməyi olan hər kəsə öz minnətdarlıqlarını bildirdilər.
