"Güllə atıcılığı" yarışması keçirildi
21.01.2019-cu il tarixdə E.Əliyev adına 234 nömrəli tam orta məktəbdə Xəzər rayon İdman və Gənclər İdarəsinin təşkilatçılığı ilə 20 Yanvar faciəsinin 29-cu ildönümünə həsr olunmuş Xəzər rayon məktəbləri arasında elektron güllə atıcılığı üzrə rayon çempionatı keçirilmişdir. Tədbirdə Bakı Şəhəri üzrə Təhsil İdarəsinin Təlimə Dəstək Mərkəzinin metodisti Mürsəl Qurbanov, Xəzər rayon Gənclər və İdman İdarəsinin rəisi Vüqar Əliyev, rəis müavini Rəşad Rəhimov iştirak etdi.Tədbiri giriş sözü ilə məktəbin direktoru Könül Məmmədli açdı. 20 Yanvar şəhidlərinin xatirəsi 1 dəqiqəlik sükutla yad olundu. Yarışda hər məktəbi 9-11-ci sinif şagirdlərindən ibarət 3 oğlan və 2 qız təmsil edirdi. Gərgin mübarizədən sonra 234 nömrəli məktəb I yerə, 26 nömrəli məktəb II yerə, 181 nömrəli məktəb III yerə layiq görüldü.
