"Şən startlar" adlı yarışma
Dekabrın 27-də məktəbin 3-cü sinif şagirdləri arasında 31 Dekabr Dünya Azərbaycanlılarının Həmrəyliyi Günü münasibətilə "Şən startlar" adlı yarışma keçirildi. Yarışın keçirilməsində məqsəd həm paralel siniflərin, həm də ibtidai sinif müəllimləri ilə fiziki tərbiyə müəllimlərinin həmrəyliyini nümayiş etdirmək idi. Yarışın şəffaf keçirilməsini təmin etmək məqsədi ilə Xəzər rayon Gənclər və İdman İdarəsinin əməkdaşı Rəşad Rəhimov da dəvət olunmuşdu.
6 mərhələdən ibarət olan yarışın mərhələlərarası fasilələrində həmin siniflərin şagirdləri müxtəlif rəqs nömrələri ilə çıxış etdilər.
Gərgin və maraqlı oyunun sonunda 3c sinfinin "Şahin" komandası I yerə, 3a sinfinin "Həmrəy" komandası II yerə, 3d sinfinin "Birlik" komandası III yerə layiq görüldü. 3b sinfinin "Dostluq" komandası və 3ç sinfinin "Uğur" komandası fərqləndiyinə görə fəxri fərmanlarla təltif olundular.
