“SƏNƏTKAR ÖMRÜ” adlı elmi konfrans
24 dekabr tarixində məktəbimizdə Azərbaycan dili və ədəbiyyat müəllimi Kəmalə Əliyevanın (əməkdar müəllim) təşkilatçılığı ilə istedadlı yazıçı, böyük alim, görkəmli pedaqoq Mir Cəlal Paşayevin 110 illik yubileyi ilə əlaqədar “SƏNƏTKAR ÖMRÜ” adlı elmi konfrans keçirildi.
Tədbiri giriş sözü ilə məktəbin direktoru Könül Məmmədli açdı, sonra Azərbaycan dili və ədəbiyyat müəllimi Kəmalə Əliyeva böyük ədibə həsr etdiyi “Sənətkar” şeirini söylədi. XIA sinif şagirdi Abdullayev Kamil “İstedadlı yazıçı, böyük alim, görkəmli pedaqoq”, IXA sinif şagirdi Həsənli Nurcan “Sözün gücünə güvənən sənətkar”, IXA sinif şagirdi Hüseynova Mələk “Mir Cəlal Paşayev yaradıcılığında azərbaycançılıq”, IXA sinif şagirdi Yusubzadə Fatimə “Xarakterlər ustası”, IXC sinif şagirdi Cəfərli Vüsal “Görkəmli şəxsiyyətlər Mir Cəlal Paşayev haqqında”, XB sinif şagirdi Binaktari Mədinə “Mir Cəlal Paşayev və həyat həqiqətləri”, XA sinif şagirdi Bayramzadə Fidan “Xoşbəxt yazıçı, xoşbəxt pedaqoq”, XIB sinif şagirdi Bədəlzadə Nəzrin “XX əsr Azərbaycan ədəbiyyatının Mir Cəlal fenomeni” mövzusunda məruzə ilə çıxış etdilər. Tədbirdə “İclas qurusu” və “İtə ataram, yada satmaram” adlı səhnəciklər nümayiş etdirildi.
Tədbirdə Bakı Şəhəri üzrə Təhsil İdarəsinin Təlimə Dəstək Mərkəzinin əməkdaşı Sədaqət xanım Məmmədova da iştirak etmiş, sonda çıxış edərək belə dərin məzmunlu çıxışlara və maraqlı tədbirə görə minnətdarlığını bildirmişdir.
