Beynəlxalq Rəssamlar Günü qeyd olundu
Dekabrın 07-də məktəbimizdə “8 Dekabr Beynəlxalq Rəssamlar Günü” münasibətilə təsviri incəsənət müəllimi Gülnar Binaktarinin təşkilatçılığı ilə gözəl bir tədbir keçirildi. Tədbirdə qonaq qismində Bakı Şəhəri üzrə Təhsil İdarəsinin Təlimə Dəstək Mərkəzinin metodisti Roza Rüstəmova, Azərbaycanın əməkdar rəssamı Rafael Muradov iştirak etdilər. Şagirdlər təsviri incəsənətin incəlikləri haqqında elmi məlumatlar verdilər, şeir və musiqinin müşayiəti ilə rəngləri, onların simvolikasını , fəlsəfəsini açıb nümayiş etdirdilər. İstedadlı balaca rəssamlar öz əl işlərini təqdim etdilər.
Tədbirin sonunda məktəbin direktoru Könül Məmmədli və qonaqlar hazırlanmış maraqlı tədbir-dərsə görə öz ürək sözlərini və minnətdarlıqlarını bildirdilər.
