Kiçik Akademiyanın üzvləri arasında tarix yarışması
12 Noyabr – Konstitusiya Günü ilə əlaqədar məktəbdə Pərvanə Priyevanın rəhbərliyi ilə fəaliyyət göstərən Kiçik Akademiyanın tarixçi üzvləri arasında intellektual yarışma keçirildi. Oyunda 8 komanda – Qanun, Dirçəliş, Bayraq, Konstitusiya, İstiqlal, Gerb, Zəfər, Hüquq komandaları yarışdı. Yarışda ekspert və aparıcı qismində Xəzər Rayon Gənclər və İdman İdarəsinin rəis müavini Rəşad Rəhimov iştirak etdi.
Tədbiri giriş sözü ilə açan məktəbin direktoru Könül Məmmədli vətənpərvərlik mövzusunda təşkil olunmuş tədbirlərdə fəallıq göstərən məktəbliləri fəxri fərmanlarla təltif etdi.
Gərgin mübarizə şəraitində keçən yarışda mərhələlər arası fasilələrdə Günay Hacızadənin rəhbərlik etdiyi 4c sinfinin şagirdləri vətənimizə, dövlətimizə, dövlət rəmzlərimizə həsr olunmuş şeirlər, mahnılar və rəqslər nümayiş etdirdilər. Sonda “Dirçəliş komandası I yerə, “Gerb” komandası II yerə, “Hüquq” komandası III yerə layiq görüldü.
