Dövlət Bayrağı Günü qeyd olundu
Bu gün məktəbimizdə Dövlət Bayrağı Gününə həsr olunmuş tədbir keçirildi. Tədbirdə Bakı Şəhəri üzrə Təhsil İdarəsinin ümumi təhsil sektorunun aparıcı məsləhətçisi Əfqan İsgəndərov, Xəzər Rayon İcra Hakimiyyətinin nümayəndəsi Ofelya Məmmədzadə, Xəzər Rayon Gənclər və İdman İdarəsinin rəisi Vüqar Əliyev, müavin Rəşad Rəhimov, şairə Gülarə Munis, 125, 322, 206 nömrəli məktəblərin direktorları iştirak etdi. İlk öncə azyaşlı şagirdlərin təqdimatı ilə bayraq haqqında fləşmob göstərildi. Qonaqlar balaca rəssamların əl işlərinə tamaşa etdilər. Natavan Hüseynlinin rəhbəri olduğu 2d sinif şagirdlərinin ifasında tədbir keçirildi. Şagirdlər vətənpərvər ruhda şeirlər, mahnılar, rəqslər ifa etdilər, səhnəcik nümayiş etdirdilər.
Daha sonra tarix elmləri doktoru, professor, AMEA-nın akademik Ziya Bünyadov adına Şərqşünaslıq İnstitutunun əməkdaşı Solmaz Rüstəmova Tohidi tarixsevər şagirdlərimizə Azərbaycan Respublikasının 100 yaşlı Dövlət Bayrağının qəbul olunma tarixi barədə ətraflı məlumat verdi. Vətənpərvər xanımın tarixi faktlarla zəngin emosional çıxışı şagirdlərimizə bir daha vətənə, dövlətə, dövlətçiliyimizə məhəbbət hissi aşıladı.
