Bayraq Günü ilə əlaqədar keçirilən təşkilat saatları
Əvvəlcədən müəyyənləşdirildiyi kimi, Bayraq Günü ilə əlaqədar məktəbin bütün siniflərində bu həftə ərzində sinif saatları bayraq mövzusuna həsr ediləcəkdir. Noyabrın 5-də 4c və 5a sinflərində təşkilat saatları keçirildi.
Günay Hacızadənin rəhbərlik etdiyi 4C sinfində “Üçrəngli bayrağımız” adlı sinif saatında uşaqlar bayraq haqqında ətraflı məlumat vermiş, şeirlər söyləmişlər. Balacaların bayraq mövzusunda hazırladıqları əl işləri çox maraqlı idi. Sonda balacaların bayrağa and içmələri isə xüsusilə qürurverici idi. Sinif saatında iştirak edən məktəbin direktoru Könül Məmmədli sonda çıxış edərək balaca ürəklərində bayrağımıza böyük məhəbbət yaşadan şagirdlərimizə təşəkkür etdi, onları qarşıdan gələn bayramlar münasibətilə təbrik etdi.
Azərbaycan dili və ədəbiyyat müəllimi Kəmalə Əliyevanın rəhbərlik etdiyi 5A sinfində “Bir kərə yüksələn bayraq bir daha enməz!” adlı sinif saatında şagirdlərin bayrağımızın tarixi, Bayraq Günü və Bayraq Meydanı haqqında verdikləri məlumatlar, hazırladıqları divar qəzeti onların bayrağımıza, dövlətçiliyimizə olan məhəbbətlərindən xəbər verdi.
