“Yaşadığımız məkan – Buzovna” mövzusunda sinif saatı
Oktyabrın 29-da sinif rəhbəri Kəmalə Əliyeva 5A sinfində “Yaşadığımız məkan – Buzovna” mövzusunda sinif saatı keçirmişdir. Sinif saatında məktəbin direktoru Könül Məmmədli, təlim-tərbiyə işləri üzrə direktor müavini Könül Əliyeva, tərbiyə işləri üzrə direktor müavini Elmira Əliyeva iştirak etmişlər.
Şagirdlər Buzovnanın adı, tarixi, əhalisi, qədim və müasir mədəniyyət abidələri, tanınmış şəxsiyyətləri haqqında ətraflı məlumat vermişlər. Onların hazırladıqları bülletenlər, divar qəzetləri mövzu və tərtibat baxımından rəngarəngliyi ilə seçilirdi.
Müəllimin Buzovna haqqında hazırladığı kiçik slayd Eyyub Yaqubovun ifasında buzovnalı – bəstəkar Aygün Səmədzadənin “Bakı haqqında nağıl” mahnısının müşayiəti ilə nümayiş etdirilmişdir.
Məktəbin direktoru Könül Məmmədli sonda çıxış edərək vurğuladı ki, Vətən evimizdən, ailəmizdən, məktəbimizdən, yaşadığımız kənddən, qəsəbədən başlanır və bu gün belə ətraflı məlumat verməklə, gözəl tərtibatlı bülleten və divar qəzetləri hazırlamaqla uşaqlar yaşadıqları məkana, bununla da Vətənimiz Azərbaycana olan məhəbbətlərini göstərdilər.
