Məktəbimizin müəllimləri təltif edilib
Bakı şəhəri üzrə Təhsil İdarəsi tərəfindən 5 Oktyabr- Müəllimlər Günü münasibətilə bir qrup təhsil işçisi təltif edilib. Məktəbimizin təlim- tərbiyə işləri üzrə direktor müavini İradə Atakişiyeva da fəxri fərmanla təltif olunub. İradə müəlliməni təbrik edir, fəaliyyətində davamlı uğurlar arzulayırıq.
Azərbaycan Respublikası Təhsil İşçiləri Azad Həmkarlar İttifaqı Xəzər rayon Komitəsi tərəfindən “Beynəlxalq Müəllimlər Günü”-nə həsr olunmuş tədbir keçirilib. Burada gənc nəslin müstəqil həyata hazırlanmasında göstərdiyi şərəfli, fədakar əməyinə görə, onların təlim-tərbiyəsində üzərinə düşən vəzifəni layiqincə yerinə yetirdiyinə görə məktəbimizin təlim-tərbiyə işləri üzrə direktor müavini Elmira Əliyeva, məktəbin ibtidai sinif müəllimi İradə Cəbrayılova, biologiya müəllimi Pərvanə Piriyeva və məktəb üzrə Həmkarlar Təşkilatının Sədri Tənzilə Tağıyeva fəaliyyətlərindəki nailiyyətlərinə görə diplom və hədiyyə ilə təltif edilib.
