Beynəlxalq Müəllimlər Günü münasibətilə “Müəllim ömrü” adlı tədbir
Oktyabrın 5-də məktəbimizin Azərbaycan dili və ədəbiyyat müəllimi Əzizə Məmmədova Beynəlxalq Müəllimlər Günü münasibətilə “Müəllim ömrü” adlı tədbir hazırladı.
Şagirdlər öz çıxışlarında söylədikləri şeirlər, oxuduqları mahnılarla bildirdilər ki, müəllim şagirdlərinin qəlbində, onların hərəkət , rəftar və düşüncələrində, əməli fəaliyyətlərində daima yaşayır.
Sonda məktəbin direktoru Könül Məmmədli tədbir iştirakçılarını təbrik etdi və öz çıxışında bildirdi ki, ölkəmizdə son illərdə təhsilin inkişafı ilə bağlı həyata keçirilən kompleks tədbirlər, təhsil işçilərinə hərtərəfli qayğı öz gələcəyini daha etibarlı və inamlı görmək əzmindən xəbər verir. Bizim məktəbin müəllim kollektivi də xalqımızın gələcək xoşbəxt həyatı üçün bütün imkanları səfərbər edəcək, xalqımıza layiq vətəndaşların yetişdirilməsində öz xidmətlərini əsirgəməyəcəklər.
