Məktəbdə Mülki Müdafiə Günü qeyd olundu
Məktəbimizdə 2018-ci il “ Mülki Müdafiə” haqqında tədbirlər planını əsas tutaraq, 01.05.2018-ci il tarixində Mülki Müdafiə Günü yüksək səviyyədə qeyd olundu.
Tədbirdən öncə MM gününə hazırlıq işləri aparılmış, MM gününə dair plakatlar , şüarlar hazırlanmışdır.
MM günündə kollektivin fəal iştirakı rəhbərlik tərəfindən təşkil edilmişdir.
Səhər 08:00-da məktəbin direktoru Məmmədli Könül şagirdlərə MM günü haqqında məlumat verdi. Daha sonra 7-ci sinif şagirdlərinin iştirakı ilə
“ Dərs zamanı zəlzələ” səhnəsi nümayiş olundu. Məktəbin tarix müəllimi Babayeva Zenfira şagirdlərin zəlzələ zamanı tutduğu mövqeləri şərh etdi, kimin mövqeyinin doğru, kimin mövqeyinin yalnış olması barədə məlumat verdi.
Saat 10:45-də həyəcan siqnalı verildi. Məktəbin şəxsi heyəti 8 dəqiqə ərzində toplanma ərazisinə təxliyyə olundu. Təxliyyə zamanı xəsarət almış şagirdlər Xilasetmə qrupu tərəfindən xilas edildi və onlara Sanitar postu qrupu tərəfindən ilk tibbi yardım göstərildi.
“ Məqsədimiz təhlükəsiz həyat yaratmaqdır” devizi altında keçirilən tədbirdə məktəblilər fövqəladə hallar zamanı necə davranmaq lazım olduğu barədə ətraflı məlumat əldə etdilər.
