Dünya şöhrətli alim Yusif Məmmədəliyevin 110 illiyi - “Zamanın zirvəsi”
E.Əliyev adına 234 №-li məktəbdə 25.12.2015-ci il tarixində Yusif Məmmədəliyevin 110 illiyi ilə əlaqədar “ Azərbaycanda neft-kimya elminin banisi” mövzusunda tədbir keçirilmişdir.Kimya müəllimi Aslanova Gülxanımın rəhbərliyi altında akademik Yusif Məmmədəliyevin memorial muzeyinə ekskursiya təşkil olunmuşdur. Bu ekskursiya zamanı çəkilmiş şəkillər məktəbin foyesində öz əksini tapmışdır.“İlk kimyaçı akademikimiz”, “Kimya və neft sənayesi”, “Akademik Yusif Məmmədəliyev Azərbaycanda neft –kimya elminin banisidir” adlı referatlar IX-X sinif şagirdləri tərəfindən hazırlanmışdır.Akademikin yubileyi ilə əlaqədar məktəbimizin akt zalında yaradılan guşədə alimin həyat və fəaliyyətini əksetdirən buklet, albom və fotolar tədbir iştirakçılarının marağına səbəb olmuşdur. Məktəbin akt zalında təşkil olunmuş tədbirdə kimya elminin canlı təbiətdə təzahürü ilə əlaqədar şagirdlərin apardıqları kimyəvi reaksiyalar, təcrübələr bird aha bu elmin insan həyatında nə qədər vacib olduğu əyani şəkildə tədbir iştirakçılarına göstərilmişdir.Kimya elminə həvəsi olan şagirdimiz Əlizadə Vahid özünün yazdığı şerində bir daha bunu nümayiş etdirdi.Sonda tədbir iştirakçıları öz çıxışlarında nəcib insan, görkəmli şəxsiyyət, pedaqoq, dövlət xadimi, böyük kimya alimi Yusif Məmmədəliyevin təkcə respublikamızda deyil ABŞ-da, İngiltərədə, Fransada, Çində Azərbaycanı layiqincə təmsil etdiyini bir daha vurğuladılar.
