Məktəbimizdə şairlər Arif Buzovnalı və İlqar Fəhmi ilə “Sehrli söz dünyası” adlı görüş keçirildi
19.04.2018 tarixində “Oxu günü” həftəsi çərçivəsində məktəbimizdə şairlər Arif Buzovnalı və İlqar Fəhmi ilə “Sehrli söz dünyası” adlı görüş keçirilmişdir. Təxəyyül gəmisinə minərək xəyal yelkənini açan tədbir iştirakçıları Arif Buzovnalı və İlqar Fəhminin söz dünyasına səyahət etmişlər. Şairlərin bir-birindən gözəl şeirləri və məktəbin ansamblının müşayiəti ilə balaca xanəndə Elxan İsgəndərlinin ifa etdiyi muğam və təsnif səyahətçilər üçün uğurlu səmt küləyi olmuşdur. Tədbir boyunca müəllim və şagirdlər qonaqlara suallarla müraciət etmişlər. Səmimi söhbət şəraitində keçən tədbirin sonunda şairlər şagirdlərə öz imzalı şeir kitablarını bağışlamış, məktəbin məzunu Quliyev Rəhman tərəfindən çəkilmiş portretləri isə şairlərə hədiyyə olunmuşdur.
