Hamımız birlikdə oxuduq
16.04.2018 tarixində məktəbimizdə “Hamımız birlikdə oxuyaq!” devizi altında “Oxu saatı” keçirilmişdir.
İnsanlar müxtəlif, zövqlər fərqlidir. Arzular, istəklər, maraqlar fərqlidir. Lakin hamımızı birləşdirən bir məqam var: kitaba maraq, mütaliəyə həvəs. Beləcə biz – müəllimli-şagirdli, mütaliə həvəskarı olan bütün kitabsevərlər bir dərs saatı (45 dəqiqə) boyunca məktəbin həyətində müxtəlif guşələrə çəkilərək mütaliə etdiyimiz kitabı oxuduq.
Oxuduq... Birlikdə oxuduq... Oxuduğumuz ədəbiyyat fərqli idi, mövzular müxtəlif idi. Kitabların həcmi fərqli idi. Kimimiz şeir oxuduq, kimimiz roman... Fərqli hislər keçirdik həmin an... İçimizdə xoş bir həyəcan...
Günəş qıdıqladı üzümüzü, külək dağıtdı saçımızı ... Amma kitablar elə qatmışdı başımızı, heç vaxtın necə keçdiyini bilmədik.
Oxuduq... Birlikdə oxuduq... Davamlı olsun bu birliyimiz... Tez-tez birlikdə oxuyaq biz!
