Lütfi Zadə adına Məktəblilərarası II Məntiq Olimpiadasında fərqlənmə sertifikatlarının təqdimetmə mərasimi keçirildi
Lütfi Zadə adına Məktəblilərarası II Məntiq Olimpiadasında məktəbimizin 5 şagirdi yüksək nəticə göstərərək Bakı Şəhəri üzrə Təhsil İdarəsi tərəfindən fərqlənmə sertifikatlarına layiq görülmüşlər. Məktəb rəhbərliyi təqdimetmə mərasimi təşkil etdi. Tədbirə həmin şagirdlərin valideynləri də dəvət olunmuşdu. Məktəbin direktroru Könül Məmmədli uğur qazanan şagirdlərin valideynlərini və fənn müəllimlərini bu uğur münasibətilə təbrik edərək qeyd etdi ki, belə savadlı, məntiqli şagirdlər bizim parlaq gələcəyimizin qurucularıdır. Könül müəllimə onu da qeyd etdi ki, bir şagirdimiz Əkrəm Məlikov III yerə layiq görülmüşdür.Direktor Əkrəmi və onun valideynini də təbrik edərək uğurlarının bol olmasını arzuladı. Uğur qazanan şagirdlərə sertifikatlar və hədiyyələr təqdim olundu. Valideynlər və fənn müəllimləri də rəhbərlik tərəfindən övladlarının və şagirdlərinin təlim-tərbiyəsində göstərdikləri diqqət və qayğıya görə təşəkkürnamələrlə təltif olundular.
