Aprel döyüşlərinin qəhrəmanlarının xatirəsi anıldı
2016-cı il aprelin 2-də düşmənə sarsıdıcı zərbələr endirən qürurlu ordumuzun düşmən üzərində qələbəsindən 2 il ötür. Qələbənin qeyd edilməsi ilə əlaqədar məktəbimizin ibtidai sinif müəllimləri tərəfindən bir sıra tədbirlər keçirildi. Döyüşçülərimizin şücaətini əks etdirən filmlərdən fraqmentlər nümayiş etdirildi.
Məktəbin foyesində hazırlanmış “ Aprel döyüşlərini unutmayaq “ adlı fotostendin qarşısında müəllimlər döyüş haqqında şagirdlərə ətraflı məlumatlar verdilər.
Aprel döyüşlərində həsr olunmuş idman yarışlarında iştirak edən şagirdlər sanki kiçik kəşfiyyatçılar idilər. Şagirdlərin söylədikləri şeirlər, vətənpərvərlik ruhunda oxunan mahnılar qürurlu ordumuza olan hörmət və ehtiramın təcəssümüdür.
