İngilis dili fənni üzrə bilik yarışı keçirildi
15.03.2018-ci il tarixində məktəbimizdə ingilis dili müəllimi Musayeva Natəvannın təşkilatçılığı və aparıcılığı ilə ingilis dili fənni üzrə 8-9-cu sinif şagirdləri arasında “Quiz Show” (viktorina) keçirildi. Tədbir boyu suallar və cavablar ingilis dilində səsləndirildi. Tədbir məktəbin müəllim və şagirdləri tərəfindən maraqla qarşılandı. Viktorinanın iştirakçıları sualları fəal şəkildə cavablandırdılar. Tədbirin sonunda bütün iştirakçılara məktəb rəhbərliyi tərəfindən sertifikatlar təqdim olundu.
I yerə – 8a, II yerə - 8b, III yerə - 9b sinifləri layiq görüldü. Tədbir məktəbin şagirdlərinin ingilis dilinə çox böyük maraq göstərdiklərinin sübutu oldu.
Sonda məktəbin direktoru K.Məmmədli Natavan müəlliməyə təşəkkür edərək qeyd etdi ki, belə yarışların keçirilməsi şagirdlərdə rəqabət hissini formalaşdırır, onlarda təhsilə marağı daha da artırır.
Qalibləri təbrik edir, onlara bundan da böyük uğurlar arzulayırıq.
