Yel çərşənbəniz mübarək !
13.03.2018-ci il tarixdə VIIç sinif şagirdləri Yel çərşənbəsinə həsr olunmuş ədəbi-musiqili tədbir keçirtdilər. Məktəbin Azərbaycan dili və ədəbiyyat müəllimi Əzizə Məmmədovanın rəhbərliyi ilə hazırlanmış bu tədbirdə şagirdlər yel çərşənbəsi ilə bağlı atalar sözlərindən, inanclardan, bayatılardan hörülmüş bahar çələngini tamaşaçılara təqdim etdilər.
Elxan İsgəndərlinin canlı ifa etdiyi xalq və bəstəkar mahnılarını, Məzahir Dadaşovun nağarada çaldığı ritmik musiqiləri iştirakçılar həvəslə dinlədilər və rəqs etdilər.
Sazlı – sözlü III sinif şagirdi Həsən Aşirov çaldığı saz havaları və məlahətli səsi ilə tədbiri daha da canlandırdı.
Sonda məktəbin direktoru Könül Məmmədli hamını bu el bayramı münasibətilə təbrik etdi və dedi:” Ömrünüzün hər fəsli bahar ovqatlı, bahar nəfəsli olsun, canınız sağ, ruzunuz bol olsun “
