Su çərşənbəniz mübarək olsun !
27.02.2018 tarixdə məktəbin Azərbaycan dili və ədəbiyyat müəllimi Əzizə Məmmədovanın rəhbərliyi ilə VIIa sinif şagirdləri “Əzəl çərşənbə” adlı tədbir hazırlamışdılar.
Şagirdlər hazırladıqları ədəbi-bədii kompozisiyada bildirdilər ki, əzəl çərşənbə suya tapınma inamı ilə başlayır. Məhz buna görə də əzəl çərşənbə həm də Su çərşənsədi adlanır.
Şagirdlər su ilə bağlı bayatılar, tapmacalar, atalar sözləri, inanclar, su türkəçarələri söylədilər.
Salahlı Teymurun tarda ifası, hazırlanan kiçik tamaşalar hamıya xoş əhval-ruhiyyə bəxş etdi.
Tədbirin sonunda məktəbin direktoru Könül Məmmədli şagirdləri və iştirakçıları su çərşənbəsi münasibətilə təbrik etdi. Könül Məmmədli öz çıxışında qeyd etdi ki, Ulu yaradan Türk dünyasına öz nurunu, bütün dünyaya öz bərəkətini əsirgəməsin. Su çərşənbəniz mübarək olsun !
