“ Heydər Əliyev ideyaları daim yaşayacaqdır”
Ümummilli lider Heydər Əliyevin vəfatının 14 illik ildönümü ilə əlaqədar məktəb kollektivi və valideynləri artıq neçə vaxtdır “Tariximizi nurlandıran şəxsiyyət” adlı xatirə kitabına öz ürək sözlərini yazırlar. Kitabda ulu öndərimizin ideyalarının bu gün də yaşadığı, daha geniş şəkildə uğurla həyata keçirildiyi vurğulanır.
Tədbirlər planına əsasən tarix müəllimi Firəngiz Xəlilova VIII sinif şagirdləri ilə birgə “Heydər Əliyev ideyaları daim yaşayacaqdır” adlı “dəyirmi masa” keçirtdi. Firəngiz müəllimə bildirdi ki, bütün ömrünü xalqın xidmətə həsr etmiş Heydər Əliyevin xeyirxah əməlləri, Vətənə, millətə olan məhəbbəti qədirbilən xalqımız tərəfindən daim xatırlanacaq və əziz tutulacaq. Şagirdlər tədbir zamanı hazırladıqları Heydər Əliyevin siyasi fəaliyyətini əks etdirən əyani görüntülər nümayiş etdirdilər.
İradə Atakişiyeva keçirdiyi informatika dərsində kompüter vasitəsilə dahi şəxsiyyətin həyat və fəaliyyətini əyani şəkildə işıqlandırdı. İradə müəllimə qeyd etdi ki, dünyanın böyük şəxsiyyətləri arasında öz yeri olan Heydər Əliyevin böyüklüyünü zaman keçdikcə daha da hiss edirik.
