Yusif Vəzir Çəmənzəminlinin 130 illik yubileyinə həsr olunmuş “dəyirmi masa”
10.10.2017 tarixdə görkəmli ictimai xadim, tanınmış yazıçı və publisist Yusif Vəzir Çəmənzəminlinin 130 illik yubileyinə həsr olunmuş “dəyirmi masa” keçirildi. Azərbaycan dili və ədəbiyyat müəllimi Kəmalə Əliyevanın X-XI sinif şagirdləri ilə birgə keçirdiyi bu tədbirdə görkəmli ədibin həyat və yaradıcılığı, siyasi fəaliyyəti, əsərlərinin sonrakı taleyi haqqında ətraflı məlumat verildi. Tədbirdə məktəbin təlim-tərbiyə işləri üzrə direktor müavini (direktor əvəzi) İradə Atakişiyeva, tərbiyə işləri üzrə direktor müavini Elmira Əliyeva çıxış edərək tədbir iştirakçılarına təşəkkürlərini bildirdilər, belə tədbirlərin şagirdlərin vətənpərvərlik tərbiyəsinə, eləcə də təhsilin, təlimin keyfiyyətinə yüksək təsir göstərdiyini vurğuladılar.
