“Məktəb bağları” layihəsi
Bu gün Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri, BMT-nin Ərzaq və Kənd Təsərrüfatı Təşkilatının xoşməramlı səfiri Leyla Əliyevanın təşəbbüsü və Təhsil Nazirliyinin birgə həyata keçirdiyi “Məktəb bağları” layihəsinə məktəbimizdən start verildi. IDEA İctimai Birliyinin təsisçisi Leyla Əliyevanın təşəbbüsü ilə reallaşdırılan bu layihə ümumilikdə ölkəmizdə ekoloji durumun daha da yaxşılaşdırılmasına mühüm töhfələr verəcək. Layihənin ilk aksiyası zamanı Leyla Əliyevanın iştirakı ilə məktəbimizin həyətində 100 ədəd badam, nar və gavalı ağacı əkildi. Sonra hörmətli qonaqlarımız məktəbin müəllim kollektivi ilə görüşdü, burada uşaqların əl işləri ilə tanış oldu. IDEA İctimai Birliyi, FAO - BMT-nin Ərzaq və Kənd Təsərrüfatı Təşkilatının birgə həyata keçirdiyi “Məktəb bağları” layihəsi məktəbimizdə uğurla başa çatdı və hər kəsdə xoş xatirələrlə yadda qaldı. 234 ailəsi adından əməyi keçən hər kəsə təşəkkürlərimizi çatdırırıq.
