Son zəng
Hər il olduğu kimi bu il də rəhbərlik tərəfindən şagirdlərin təhlükəsizliyi təmin olunmaqla, 14.06.2016-cı il tarixdə XI A və XI B sinfilərinin məzunları üçün " Son zəng " çalındı. Tədbirdə şagird və valideynlərlə yanaşı müxtəlif qonaqlar da iştirak edirdi. 2015/2016-cı tədrisi ilinin sonunda təlim göstəricilərinə və fəallıqlarına görə fərqlənən şagirdlərimiz fəxri fərmanlarla təltif olundular. Onlardan "Qızıl Medal" a layiq görülmüş Zərifə Həmzəyeva Bəhruz qızını, Azərbaycan dili üzrə Respublika fənn olimpiadasının III yer mükafatçısı Samirə Hüseynova Elşən qızını, müxtəlif şeir və inşa müsabiqələrinin qalibi Nigar Həmzəyeva Bəhruz qızının xüsusi ilə vurğulayırıq. Eyni zamanda adı çəkilən şagirdlərin üzərində böyük zəhməti olan Azərbaycan dili və ədəbiyyat müəllimi Kəmalə Əliyevaya təşəkkürümüzü bildiririk.Əməyi keçən ibtidai sinif müəllimlərinə Kifayət Həsənova, Gülnaz Nərimanova və Mətanət Əliyevaya eləcə də, sinif rəhbərləri Nüşabə Məmmədova və Güldanə Məmmədovaya xüsusi təşəkkürümüzü bildiririk. Şagird həyatından sonra tələbə adını qazanmanız və məktəbimizin uğurlarını artırmanız diləyi ilə hər birinizə müvəffəqiyyətlər arzu edirik !
