Ədəbiyyat dərslərində ifadəli oxu texnikasına xüsusi diqqət yetirilir
Ana dilinin tədrisinin və ümumilikdə təhsilin əsas funksiyalarından biri şagirdlərin oxu bacarıqlarının inkişaf etdirilməsidir. Ucadan ifadəli oxu nitqin axıcılığının və səlisliyinin inkişafına , sözlərin düzgün tələffüz edilməsinə , erkən yaşlarda uşaqların lüğət ehtiyatının zənginləşməsinə , auditoriya qarşısında çıxış etmə bacarıqlarının formalaşmasına təkan verir. Məktəbimizdə, xüsusilə, ədəbiyyat dərslərində online dərslərin avantajlarından yararlanaraq həm ifadəli oxu texnikasının tələblərinə əməl olunur, həm də şagirdlərin əlavə internet resurslarından istifadə edərək təqdimatlar nümayiş etdirmələrinə şərait yaradılır.
03.02.2021 - ci il tarixində məktəbin 8 “A” sinfində ədəbiyyat fənnindən Molla Pənah Vaqifin “ Hayıf ki, yoxdur” qoşmasınn tədrisi zamanı qeyd olunan məsələlər nəzərə alındı. Şagirdlər öz təqdimatlarında şeirin təhlili ilə yanaşı “Molla Pənah Vaqifin məqbərəsi : dünən və bu gün” mövzusuna toxundular. Şuşanın azad edilməsindən sonra cənab prezident İlham Əliyevin məqbərəni ziyarət etdiyini əks etdirən kadrlar nümayiş olundu.
