"20 Yanvar Ümumxalq hüzn günü"
Məktəbin illik fəaliyyət planına uyğun olaraq 1"B" sinfində "20 Yanvar Ümumxalq hüzn günü" ilə bağlı sinif təşkilat saatı keçirildi. Sinif rəhbəri Şəbnəm Balayeva şagirdləri 20 Yanvar faciəsi ilə bağlı məlumatlandırdı. Müəllim qeyd etdi ki, 20 Yanvar Azərbaycan tarixində təkcə faciə deyil, Azərbaycanın istiqlal yolunun ilk zirvəsi, milli azadlıq istəyinin oyanış günüdür. Bu il xalqımız 20 Yanvar hadisələrinin 31-ci ildönümünü qeyd edir, igid övladlarının fədakarlığını məhəbbətlə xatırlayır, onların əziz xatirəsini böyük ehtiramla yad edir. Vətən uğrunda canlarını qurban vermiş mərd, igid oğul və qızlarımızın uyuduğu Şəhidlər Xiyabanı xalqımız üçün müqəddəs bir and yerinə, milli iradəmizin şanlı-şərəfli bir salnaməsinə çevrilib. Şəhidlərimiz və Şəhidlər Xiyabanı azadlığımızın, müstəqilliyimizin, milli iradəmizin simvolu kimi bundan sonrakı nəsillərə də bir qürur mənbəyi olacaqdır. Sonda şagirdlər şəhidlərin xatirəsini səsləndirdikləri şeirlərdə, çəkdikləri şəkillərdə əks etdirib, nümayiş etdilər.
