"20 Yanvar Ümumxalq hüzn günü"
Məktəbin illik fəaliyyət planına uyğun olaraq 2"B"sinfində "20 Yanvar Ümumxalq hüzn günü ilə bağlı sinif təşkilat saatı keçirildi. Sinif rəhbəri Könül Aslanova şagirdləri "20 Yanvar" faciəsi ilə bağlı məlumatlandırdı. Sinif müəllimi qeyd etdi ki, 1990 ci il qanlı yanvar hadisələri Azərbaycan xalqının milli bütövlüyünü təsdiqləyən ən böyük hadisələrdən biri kimi tarixin yaddaşına həkk edildi. 20 Yanvar faciəsi bizi yumruq kimi birləşdirdi və bütün dünya azərbaycanlılarının gücünü ifadə etdi.20 yanvar hadisələri Azərbaycanın azadlığı və ərazi bütövlüyü uğrunda mübarizə tarixi, həm də qəhrəmanlıq səhifəsi kimi yazılıb. Həmin gün öz ölkəsinin, xalqının azadlığını, şərəf və ləyaqətini uca tutan Vətən oğulları canlarından keçərək şəhidlik zirvəsinə yüksəldilər. Vətənin azadlığı, suverenliyi uğrunda özlərini qurban verən şəhidlərin xatirəsi həmişə qəlbimizdə qalacaq. Vətənə, şəhidlərin xatirəsinə həsr olunmuş şeirlər səsləndirildi və çəkilmiş şəkillər nümayiş etdirildi.
