20 YANVAR
Məktəbin illik fəaliyyət planına uyğun olaraq 4 “B” sinfində “20 Yanvar Ümumxalq hüzn günü” ilə bağlı sinif təşkilat saatı keçirildi. Əvvəlcə sinif rəhbəri Mərziyyə Əliyeva şagirdləri 20 Yanvar faciəsi ilə bağlı məlumatlandırdı. Sinif müəllimi qeyd etdi ki, 20 Yanvar xalqımızın tarixində təkcə faciə deyil, həm də istiqlal mücadiləsinin qələbəsi, milli məfkurəmizin azadlıq istəyinin oyanış günüdür. Sovet imperiyasının əsarətində yaşamağa məhkum olan xalqın azadlıq səsini ucaltdığı, öz suverenliyi uğrunda cəsarət nümayiş etdirdiyi şərəfli bir tarixdir. Azərbaycan xalqı bu günü Vətənimizin azadlığı və suverenliyi uğrunda qurban getmiş mərd oğul və qızların xatirəsini dərin hörmət və ehtiramla yad edir.
Məktəblilər Vətənin azadlığı və müstəqilliyi uğrunda canlarından keçmiş oğul və qızlarımızı heç zaman unutmayacaq, onları daim dərin ehtiramla yad edəcəklərini qeyd etdilər. Sonda şagirdlər Vətənə, şəhidlərin xatirəsinə həsr olunmuş şeirlər səsləndirdilər və ağ vərəq üzərində çəkdikləri şəkilləri nümayiş etdirdilər.
