Əfsanəvi Partizan
Azərbaycan Respublikasının Prezidenti cənab İlham Əliyevin Əfsanəvi partizan, ikinci dünya müharibəsinin iştirakçısı Əhmədiyyə Mikayıl oğlu Cəbrayılovun anadan olmasının 100 illiyi ilə bağlı sərəncamına uyğun olaraq və məktəbin illik fəaliyyət planının 1.4.23-cü bəndinə əsasən məktəbdə tarix müəllimi Aşiq Mehdiyevin rəhbərliyi ilə “ Əfsanəvi partizan” adlı tədbir keçirildi.
Məqsəd şagirdləri II dünya müharibəsində igidlik götərmiş qəhrəmanlarla tanış etmək, onların qəhrəmanlıq və vətənpərvərlikləri haqqında məlumat verməkdir.
Əhmədiyyə Cəbrayılov II dünya müharibəsinin iştirakçısı, Partizan, Fransa Müqavimət hərəkatının görkəmli nümayəndələrindən biri, Qarabağ müharibəsi şəhidi, Milli Qəhrəman Mikayıl Cəbrayılovun atasıdır. “Armed Mişel”, “Ryus Armed”, “ Xarqo” adlarla Fransanın azadlığı uğrunda döyüşlərdə iştirak etmişdir, Fransanın orden medalları ilə, o cümlədən “Hərbi medal”larla təltif edilmişdir.
Şarl de Qollda dəfələrlə Əhmədiyyəyə Fransada qalıb yaşamaq, Amerika səfirliyi isə ona ABŞ vətəndaşı olmağı təklif edir. Ona Fransanın Mili Qəhrəmanı adı verilir. Vətən həsrəti, vətən sevgisi Əhmədiyyəni rahat buraxmır o, 1946-cı ildə vətənə qayıdır.
1972, 1975, 1982-ci illərdə Fransaya dəvət olunur. O,1994-cü ildə vəfat edir.
Şagirdlər tədbirdə fəal iştirak etdilər. Dəryanın ”Əfsanəvi partizan” adlı təqdimatı daha maraqlı idi.
Tədbirin sonunda qəhrəmanlıq haqqında mahnı ifa etdilər.
