"Şəhidlər ölməz" adlı sinif təşkilat saatı keçirildi
Şagirdlərdə vətənpərvərlik ruhunu daha da yüksəltmək, şəhidlərin gələcək nəsillərə örnək olmasının vacibliyini göstərmək məqsədilə məktəbin fəaliyyət planına uyğun olaraq 4 “C” sinfində "Şəhidlər ölməz" adlı sinif təşkilat saatı keçirildi. Sinif rəhbəri Səbinə Əmiraslanova dövlətimizin, vətəndaşlarımızın, böyük-kiçik, qoca-qadın hər kəsin uğrunda canından keçən qəhrəman oğullar, eyni zamanda qanları bahasına yeni tarix yazan, Azərbaycan tarixinə başucalığı gətirən, vətənin qanayan yarası Qarabağı bizə qanı və canı ilə qaytaran ölməz şəhidlər haqqında geniş məlumat verdi. Şəhidliyin adı ölüm olmadığını, bilə istəyə, müqəddəs amallar uğruna, vətən və xalq uğruna canını qurban vermək oldugunu, öz ömür payını xalqının, gələcək nəsillərin xoşbəxtliyinə bağışlamaq olduğunu qeyd etdi. Qazanılan şanlı qələbənin onların əsəri olduğunu, rahat, güvən içərisində yaşamağı onlara borclu olduğumuzu vurğuladı. Şagirdlər şəhidlər haqqında şeirlər, təqdimatla şəkillər təqdim etdilər.
