“Şanlı Qələbə” adlı sinif təşkilat saatı keçirildi
Məktəbimizin fəaliyyət planına uyğun olaraq 4 “B” sinfində “Şanlı Qələbə” adlı sinif təşkilat saatı keçirildi. Sinif rəhbəri Mərziyyə Əliyeva Azərbaycanın şanlı qələbəsi haqqında şagirdlərlə maarifləndirici söhbət apardı. Onu qeyd etdi ki, vətən müharibəsi başa çatdı. Azərbaycan bu müharibədə parlaq qələbə qazandı, torpaqlarımız işğaldan azad olundu. İgid əsgərlərimiz qəhrəmancasına döyüşərək ,düşmənin torpaqlarımızdan qovulmasında müstəsna xidmətlər göstərmişlər. Biz bu müharibəni şəhidlərimizin canı- qanı bahasına, hərbiçilərimizin rəşadəti hesabına, dövlətimizin siyasəti hesabına qazanmışıq. Sonda şagirdlər işğaldan azad olmuş rayonlar haqqında məlumat verdilər, rayonları təsvir edən şəkillər nümayiş etdirdilər, ordumuzun qüdrətini ifadə edən şeirlər söylədilər.
