Şəhidlərin qəhrəmanlığı unudulmayacaq!
Məktəbin fəaliyyət planına uyğun olaraq “Tarix və coğrafiya aylığı” davam edir.8 dekabrda 7 “a” sinfində “Şəhidlər ölməz,Vətən bölünməz!" adlı tədbir keçirildi. Məktəbin tarix müəllimi Zərxanım Zülfüqarova mövzu ilə bağlı şagirdlərə məlumat verdi. O, qeyd etdi ki, ikinci Qarabağ müharibəsində 2783 şəhid vermişik. Bu, xalqımız üçün heç də az itki deyil, ancaq unutmaq olmaz ki, belə bir deyim var "Torpaq, uğrunda ölən varsa Vətəndir". Bəli, bu torpaq üçün canından keçən yüzlərlə igidlərimiz olduğuna hər birimiz canlı şahid olduq. Tədbirdə şagirdlərə də söz verildi. Şagirdlərdən Əlili Qumru şəhid İlqar Mirzəyev haqqında, Allahverdiyeva Nərgiz Cəbrayıl Dövlətzadə haqqında, Məmmədzadə Tamilla Cavid Həsənov haqqında, Quliyeva Lalə Şükür Həmidov haqqında ətraflı məlumat verdilər. Bir daha qeyd olundu ki, həqiqətən də şəhidlər heç vaxt ölmür. Onlar əbədi bizim qəlbimizdə yaşayacaqlar. Hər birimiz şəhidlərimizin ruhu qarşısında baş əyirik, Vətən sağ olsun deyirik.
