“Mülki müdafiə və hər bir evdə ilk yardım edən” mövzusunda tədbir keçirildi
Məktəbin illik Fəaliyyət Planına uyğun olaraq “Ümumdünya mülki müdafiə günü” və şagirdlərdə fövqəladə hallar zamanı özlərini müdafiə etmək bacarığının formalaşdırılması məqsədilə ilə məktəbimizdə “Mülki müdafiə və hər bir evdə ilk yardım edən” mövzusunda tədbir keçirildi. Tədbirdə Mülki Müdafiə qüvvələrinin xəbərdarlıq siqnalı üzrə toplantı keçirildi. Şagirdlərə ilkin tibbi yardımın göstərilməsi, tibbi fərdi mühafizə vasitələrinin, tibbi avadanlıqlar nümayiş olundu. 2,5,6 siniflərdə fövqəladə hadisələr zamanı xilasetmə işləri, yanğınsöndürmə, ilk tibbi yardım şagirdlər tərəfindən praktiki olaraq göstərilmişdir. Məktəbin direktoru Məhluqə Əzizova, hərbi rəhbər Təbriz Əliyev şagirdlərin təqdimatlarını dinlədilər və onları fövqəladə hallar zamanı özlərini müdafiə etmək üçün maarifləndirdilər. Maarifləndirici tədbirdə müəllimlər, şagirdlər iştirak etdilər.
