XOCALI BİZİ SƏSLƏYİR
Məktəbin fəaliyyət planının 1.3.24 bəndinə uyğun olaraq 3 “B” sinifinin sinif rəhbəri Mərziyyə Əliyevanın təşkilatçılığı ilə Xocalı faciəsinin 28-ci il dönümü ilə əlaqədar "Xocalı bizi səsləyir" adlı tədbir keçirildi. Xocalı soyqırımı Azərbaycan tarixinə ən dəhşətli və faciəli səhifələrdən biri kimi daxil olmuşdur. Məqsəd şagirdlərdə xalqımıza qarşı törədilmiş faciələr haqqında bilgilərin artırılması, tarixi hadisələrə düzgün rəy vermək bacarığının formalaşdırılması, xalqımızın qəhrəmanlıq səlnaməsinin təbliğidir. Xalqımızın qan yaddaşında dərin iz buraxan dəhşətli faciəni şagirdlərə göstərmək, onlarda vətənpərvərlik ruhunu aşılamaqdır. Şagirdlər Xocalı faciəsini, o dəhşətli gecə baş verənlərdən bir parça səhnələşdirərək içlərindəki o acını nümayiş etdirməyə çalışdılar. Tədbirdə məktəbin direktoru Məhluqə Əzizova, kitabxana müdiri Aytən Məmmədova, UBR-rəhbəri Mədinə İsgəndərova, valideynlər iştirak etdilər.
