"Beynəlxalq Ana Dili" nə həsr olunan tədbir keçirildi
Məktəbdə keçirilən tədbirlərin mühüm xətlərindən biri şagirdlərə milli özünüdərk, milli düşüncə və təfəkkür, o cümlədən milli iftixar hisssinin aşılanmasıdır. Bu məqsədlə xalqımızım tarixində mühüm əhəmiyyətə malik olan tarixi günlər müxtəlif fənn birləşmələrinin təşkilatçılığı ilə qeyd olunur. 21 fevral “Ana Dili Günü” nün təntənəli şəkildə qeyd olunması da artıq məktəbimizdə ənənə şəklini almışdır. Zəngin ifadə tərzinə malik, həm poeziya, həm nəsr, həm də elm dili olan Ana dilimizin şagirdlərə sevdirilməsi təkcə Azərbaycan dili və ədəbiyyat müəllimlərininn deyil, bütün pedaqoji heyətin əsas vəzifə bacarıqlarından biridir. Bugünkü tədbirdə də məhz bu cəhət təbliğ olunurdu. Müəllimlərin rəhbərliyi ilə şagirdlərin hazırladıqları kompozisiya, səhnəcik, və musiqi nömrələri tamaşaçıların dərin marağına səbəb oldu. Xüsusilə, Cəlil Məmmədquluzadənin felyetonları əsasinda 7 “A” sinif şagirdlərindən K.İsanın, S.Ağamehdinin, A. Mustafanın, 8 A sinif şagirdlərindən İ. Zəhranın və R.Muradın təqdim etdikləri səhnəciklərdə şagirdləin milli varlığımızın sübutu olan dilimizin saflığını qorumağın vacibliyini dərk etdilər. 5 “A” sinif şagirdi və 6 “C” sinif şagirdlərindən ibarət xorun təqdim etdikləri musiqi nömrələri tədbirə xüsusi rəng qatdı. 10 “A” sinif şagirdi Ə. Aidənin və 10 “B” sinif şagirdi Q. Nigarın Ana dil barədə mülahizələri aşağı sinif şagirdlərinə tövsiyə kimi səsləndi.
Azərbaycan dili və ədəbiyyat müəllimləri ilə bərabər, çıxış edən məktəbin direktoru Əzizova Məhluqə xanım millətin dilinin dövlət, statusuna yüksəldilməsinui qürurverici hadisə kimi qiymətləndirdi. Şagirdlərə millətin varlığının təsdiqi olan dilimizi qorumaq, onu başqa xalqlar arasında təbliğ etmək tövsiyə edildi.
