Beynəlxalq kitab bağışlama günü
14 fevral Beynəlxalq kitab bağışlama günü ilə əlaqədar olaraq IV “B” sinifində kitabxana müdiri Aytən Məmmədovanın və sinif rəhbəri Şəbnəm Babayevanın təşşəbüsü ilə kitab bağışlama günü keçirildi. Şagirdlərə kitab gününün qeyd olunması ilə bağlı kitabxana müdiri Aytən Məmmədova məlumat verərək bildirdi ki, 2012-ci ildən qeyd edilən bu bayram ABŞ-da məhşur “Delightful Children Books” uşaq kitabı saytının yaradıcısı Emmi Brodmoorun adı ilə bağlıdır. Ona bu ideyanı balaca oğlu verib. O anasından niyə insanların bir birinə kitab bağışladığı xüsusi gün olmamasını soruşub. Emmi Brodmur internet şəbəkəsində müxtəlif insanlara bu təşəbbüsə qoşulmağı təklif etmişdir. İki il ərzində bu təşəbbüs dünyada dəstək qazanmış və indidə yeni iştirakçılar cəlb etməklə davam edir.
Hər il minlərlə həm oxunmuş, həm də yeni kitablar dünyanın bütün istiqamətlərinə yola salınır və uşaqlarda kitaba məhəbbət, böyüklərdə isə bağışlamaq hədiyyə etmək sevinci yaradır.
Sonra şagirdlər müxtəlif kitablardan bədii parçalar mütaliə etdilər və bir-birlərinə kitab bağışladılar. Məktəbin kitabxanasına şagirdlər öz sevdikləri kitablardan bir neçəsini həddiyyə etdilər.
