“Sevimli əsərim”adlı ədəb-bədii müzakirə
Məktəbin fəaliyyət planına uyğun olaraq mütaliə aylığı ilə əlaqədar tədbirlər silsiləsi davam edir.
Bu məqsədlə 6 “A” sinifində “Sevimli əsərim” adlı ədəbi-bədii müzakirə keçirildi. Məqsəd şagirdlərdə kitab oxumaq vərdişini formalaşdırmaq, dərsliklərdən əlavə bədii ədəbiyyatlardan istifadəni mütəmadi hala gətirmək və mütaliəyə yönləndirməkdir. Şagirdlər dünya ədəbiyyatına daha çox müraciət etmişdilər. Dünya ədəbiyyatından M.Tven “Tom Soyerin macəraları”, Daniel Defo “Robinzon Kruzo” kimi əsərlər daha cox təhlil olundu. Bununla bərabər şagirdlərlə birgə Azərbaycan şifahi xalq ədəbiyyatından “Koroğlu”, Azərbaycan ədəbiyyatından, C.Məmmədquluzadənin “Buz”, S.S.Axundovun, A.Şaiqin hekayələri, Q.Zakirin və M.Ə.Sabirin təmsilləri də müzakirə olundu.
Bu əsərlərdən çıxış edərək kitabxana müdiri Aytən Məmmədova və Azərbaycan dili və ədəbiyyat müəllimi Rahilə Novruzlu ədəbiyyatın tərbiyəedici rolu haqqında şagirdlərlə maarifləndirici söhbətlər apardılar. Şagirdlərdən S.Musa ,F.Tacir, Q.Lalə, M.Nəcəf fərqləndilər.
