Hər birimiz Mübariz olaq
Milli Qəhrəman Mübariz İbrahimovun adını daşıyan 8”A” sinif şagirdləri şəhidin doğum gününə həsr olunmuş “dəyirmi masa” keçirildi.
Tədbirdə Mübariz İbrahimovun doğma Vətən, torpaq yolunda böyük vətənpərvərlik hissi ilə qəhrəmanlıq göstərərək ölkəmizin tarixinə şərəfli bir səhifə yazdığı vurğulandı və bir dəqiqəlik sükutla yad edildi.
Sinif rəhbəri Aynur Əkbərova çıxışında qeyd etdi ki, qəhrəmanın adını daşıdığınız sinifdə təhsil almaq əlavə məsuliyyət hissi deməkdir. Siz öz təhsiliniz, tərbiyəniz, vətənpərvərliyinizlə həmin şəhidin adına, onun xatirəsinə layiq olmalı, bizə göstərilən bu etimadı doğrultmalıyıq.
Vətənpərvərlik tərbiyəsinin aşılanması, onlarda yurda, doğulduğu torpağa məhəbbət hissinin formalaşdırması məqsədilə keçirilən tədbirdə şagirdlər Mübariz İbrahimova həsr olunmuş təqdimatlarını təqdim etdilər.
