Mütaliə mənəvi zənginliyə aparan yol
Şagirdlərdə oxu bacarıqlarının inkişafı, oxuyub-anlama vərdişlərinin gücləndirilməsi və bununla da sərbəst fikir yürütmə baçarığının formalaşdırılması məqsədilə məktəbin VI,VII və VIII ci sinif şagirdləri arasında "Mütaliə mənəvi zənginliyə aparan yol " adlı debat təşkil olundu.
Debatda xüsusilə Ə.Haqverdiyev, S.S.Axundov, C.Məmmədquluzadə kimi görkəmli yazıçılarla bərabər, müasir yazıçılardan E.Hüseynbəyli, M.Çəmənli, M.Namaz kimi sənətkarların əsərlərini mütaliə edən şagirdlər xüsusi fəallıqla seçildilər. Oxuduqları əsərlərdən gətirdikləri nümunələri həyatla əlaqələndirən şagirdlər bədii əsərlərin insan mənəviyyatını cilalayan, ona humanist duyğular aşılayan, düzgün əqidə seçməkdə yardımçı olan bir vasitə olduğunu qeyd etdilər.
Məktəbin ədəbiyyat müəllimi Kəminə Zalovanın, kitabxana müdiri Aytən Məmmədovanın, UBR Mədinə İsgəndərovanın verdiyi yönəldici suallar şagirdlərin aktiv və obyektiv mübahisə və təhlillərinə şərait yaratdı.
