31 dekabr "Dünya Azərbaycanlılarının Həmrəyliyi Günü"dür
Xalqımız, dünyanın müxtəlif ölkələrində məskunlaşmış soydaşlarımız hər il dekabrın 31-də milli həmrəylik gününü qeyd edir. Qədim tarixə malik xalqımız bu əlamətdar bayramı uzun illərdən bəri yaranmış,qorunub saxlanılmış ənənələrinə, mədəniyyətinə, tarixi köklərinə xas olan xoş amallarla, duyğularla keçirir. Bu bayram ildən-ilə daha geniş vüsət alır, ürəklərində vətən eşqi, milli-mənəvi birlik hissləri bəsləyən hər bir soydaşımız tərəfindən güclü dəstək alır. İlk dəfə 20 il əvvəl həmrəylik və birlik arzuları ilə dillərə gətirilən və rəsmiləşdirilən bu bayram ürəklərdə uzun illərdən bəri qorunan azadlıq və birlik hisslərinin təzahürüdür.
Milli səviyyədə keçirilən bayram ulu öndər Heydər Əliyevin uzaqgörənliyini, xalqı öz ətrafında birləşdirmək məharətini bir daha nümayiş etdirir.
31 dekabr "Dünya Azərbaycanlılarının Həmrəyliyi Günü" və "Yeni il" münasibətilə məktəbimizin akt zalında tədbir keçirilmişdir. Şagirdlərimizin hazırladıqları rəngarəng kompozisiyalar- rəsq, musiqi, şeir parçaları tədbirə rəng qatmış və böyük marağa səbəb olmuşdur.
